 |
| الدورة الشاملة لتعلم اللغة الانجليزية من الصفر للاحتراف: الدرس الثالث:- الحروف الساكنة 2 |
الدورة الشاملة لتعلم اللغة الانجليزية من الصفر للاحتراف: الدرس الثالث:- الحروف الساكنة 2
أهلا بكم في الدرس التالت من الدورة
الشاملة لتعلم اللغة الإنجليزية من الصفر للاحتراف
في الدرس اللي فات بدأنا التعرف على الحروف
الساكنة ووقفنا عند حرف D
وقبل ما نبدأ درس النهاردة فيه حاجه مهمة
جداً لازم تعرفوها
وهي ان النطق بالذات تقريباً كده ملوش
قواعد ثابتة
فيه كتب ونظريات كتيرة جداً في طرق وقواعد
النطق
لكن موضوع النطق ده موضوع بشري ممكن يختلف
من شخص للتاني
وخصوصاً في اللغة الإنجليزية لأنها مرت
بمراحل كتيرة جداً خلال تاريخها اتغيرت فيها تماماً
وكمان لأن عدد اللي بيتكلموا اللغة
الإنجليزية في العالم كبير جداً تقريباً ربع سكان العالم فهي اللغة الأولى عالمياً
علشان كده هتلاقي كل دولة ليها لهجة مختلفة
وكمان بتختلف اللهجات من منطقة للتانية
داخل الدولة نفسها
طيب والحل ايه وازاي اتعلم النطق الصحيح
الإجابه هي: من خلال الممارسة
كل ما يمر عليك كلمة جديدة اتعلم نطقها
كويس
لأن الأذن هي طريق الفم
اسمع كتير ومارس اللغة ومتخافش من انك تغلط
بأكد عليك ان أهم حاجه هتساعدك كتير جداً
انك تتقن اللغة بسرعة هي الممارسة ثم الممارسة
Practice
makes perfect
يعني الممارسة تؤدي إلى الإتقان
وعلشان منطولش عليكم يالله بينا نبدأ
حرف Gg
 |
حرف Gg
|
حرف g بيتنطق في الغالب زي الجيم العادية في 3
حالات:
1. إذا جه في نهاية الكلمة زي
beg bug frog long
2. إذا جه
بعده A أو O أو U أو أي حرف ساكن
gad go gun grab
3. إذا جه بعده E أو i في الكلمات اللي أصلها ألماني
وعلى فكرة اللغة الإنجليزية
واخدة من كل اللغات الكبيرة زي الألمانية واللاتينية والرومانية والعربية
وهنخصص حلقة نبين فيها الكلمات
الإنجليزية اللي أصلها عربي
يبقى زي ما قلنا ان حرف g بيتنطق ج إذا جه بعده E أو I في الكلمات اللي أصلها ألماني زي:
get give gift
حرف G بيتنطق زي الجيم المعطشة إذا جه بعده (e – I – y) في الكلمات اللي أصلها
لاتيني أو روماني
gem gypsy
انت لو متخصص أو بتدرس الصوتيات
هيهمك تعرف الكلمات اللي أصلها انجليزي أو مش انجليزي
لكن لو مش متخصص وعاوز تتعلم
النطق الصحيح يبقى اعرف نطق الكلمات وخلاص من غير أصلها وفصلها
حرف g لا ينطق إذا جه بعده حرف m أو n في النهاية زي:
sign paradigm
حرف Hh
 |
حرف Hh
|
حرف ال h بيكون silent يعني لا ينطق في بعض الحالات منها:
1. إذا جه في بداية بعض الكلمات زي:
hour honest honour
2. إذا جه قبله k أو r
khaki rhythm
وكمان في بعض الكلمات زي
exhaust shepherd silhouette
حرف Kk
 |
حرف Kk
|
حرف k لا ينطق إذا جه بعده n
know knee knot
حرف Ll
 |
حرف Ll
|
حرف L لا ينطق في بعض الكلمات زي
calm half could would should
حرف Nn
 |
حرف Nn
|
حرف n لا ينطق إذا جه قبله حرف m في نهاية الكلمة زي
column solemn autumn
حرف Pp
 |
حرف Pp
|
حرف p لا ينطق إذا جه بعده:
N s t
pneuma psychology Ptolemy
وكمان مع الكلمات دي:
cupboard receipt raspberry
حرف Rr
 |
حرف Rr
|
حرف r من أكتر الحروف اللي بتسبب لخبطة في نطقه بسبب وجود حرف مشابه ليه في اللغة العربية وهو حرف الراء إلا ان مخرجه مختلف
لكن حرف r بيتنطق بطريقة مختلفة تماما عن حرف الراء
لما تيجي تنطق حرف r خلي طرف لسانك يبقى مرفوع
لفوق لكن ميلمسش سقف الفم
اللغة الإنجليزية زي ما ذكرنا
قبل كده فيها لهجات كتيره جداً أشهرها هي
British
English الإنجليزي
البريطاني أو اللهجة البريطانية
و American English الإنجليزي الأمريكي
حرف r في british English بيتنطق في حالات ومش بيتنطق في حالات تانية
بيتنطق لما يكون في بداية الكلمة زي
run – room
أو إذا جه قبله أو بعده حرف صوتي زي
tire – train - tree
في الإنجليزي البريطاني حرف R لا ينطق في نهاية الكلمة The R is dropped
far her father
أما في الأميريكان إنجليش حرف r بيتنطق في جميع الأحوال
far arm tire
وهنخصص حلقة بإذن الله نتكلم فيها عن
الفروق بين AE و BE بالتفصيل
وهنكتفي بالجزء ده النهاردة ونكمل باقي
الحروف الهجائية في الدرس الجاي بإذن الله لأن موضوع النطق ده مهم جداً.. فاحنا
بنشرح في كل حلقة عدد قليل من الحروف علشان تقدروا تستوعبوها كويس وتطبقوا معانا
ومتنسوش موضوع التطبيق والممارسة هو اللي
هيساعدكم على اتقان اللغة بسرعة
نشوفكم على خير الدرس الجاي بإذن الله
فيديو الدرس: اشترك في القناة وفعل زر الجرس لتصلك إشعارات بالدروس الجديدة
والسلام
عليكم ورحمة الله وبركاته
0 تعليقات